Pagsaulog

Umaabot nasab ang tinuigang  pagsaulog sa Kadayawan Festival karong Agosto 17 hangtud sa Agosto 19 ning tuiga 2012, sa dakbayan sa Dabaw. 

Sa maong mapasigarbong higayon, atoang masaksi ang mga nagkalaing-laing pamaagi sa atoang mga kaigsoonang lumad sa pagpasalamat kang Bathala, Manama o Apo Sandawa sa adunahang pag-abot sa ani o bountiful harvest, kun gitawag pa.

Subay kini sa mga naandan nga batasan gumikan pa sa mga karaang tawo sa rehiyon, sa wala pa miabot ang Katsila.

Sa maong bahin gihapon, aduna ug mga uyamot nga talan-awon sa mga dalan sa dakbayan, sama sa “tribal dances”, sayaw, musika ug uban pang mga matahum nga butang.

Ang lokal nga pakagamhanan maoy miawhag sa tanang Dabawenyo,  apil na ang mga langyaw, nga motambong unya sa malahalon nga okasyon.

Hala, maglipay-lipay ta!